相信大家有上過日本shopping網站都成日見到，"送料無料"黎個字眼，到底點解呢？買野送飲料？送飲料但無飲料？定係你無料唔識解？
答案就係：送料=送貨，無料=免費，全句意思就是"免費送貨"咁簡單。
等等先，先其唔好誤會，係免費送貨到當地日本咁解，唔係免費送貨到香港，千解未搞錯。唔明？即是話係日本網買左野，咁個日本賣家都要寄貨比你，寄貨都要錢架，但有時賣家就賣大包免費包運費比你。情況就好似你係facebook買野見到間網店寫住包免費平郵一樣意思，當然有o的網店就要加錢先可寄速遞或平郵都係一樣意思既。
咁你係香港網店買野話包免費平郵，咁無理由會以為佢會包免費寄去美國架。反之，日本賣家寫住送料無料當然就唔係免費寄香港既意思啦！成日都有好多客人誤會左架！
仲有，就算寫"全國一律送料無料"既意思係全日本國，唔係中國o個國，因為如果係日本偏遠地區如北海道、沖繩島，佢地當地運費會收貴少少。就好似你想寄順豐件去沙頭角，都會有附加收費一樣，偏遠地區會有附加收費，當然如果寫左"全國包料"就真係代表全日本國就算係東京定沖繩都係免費包送貨咁解啦。
最後如果有日本賣家寫左"海外送料無料"就真係包送香港啦，直情全球都包送貨 – Free Shipping，不過以阿叔既網購經驗，多數都係羊毛出在毛身上，賣貴o的，包海外送料無料當然無問題，比得起價錢的話，送去太空都得啦，你話係唔係先？！
================
以上純個人意見，不喜勿插。
歡迎轉截，#Respect 請記得附上本網原links 。
如果你遇上任何網上購物或代購既問題，歡迎留言或indox我，我會盡量解答大家。
分享此文：
按一下即可分享至 X(在新視窗中開啟)
X
按一下以分享至 Facebook(在新視窗中開啟)
更多
分享到 WhatsApp(在新視窗中開啟)
按一下即可以電子郵件傳送連結給朋友(在新視窗中開啟)
電子郵件
喜歡 正在載入...
相關