粵拼與其他粵語拼音方案對照表 本文列出粵拼同目前公共領域入邊常見嘅廣拼、教院、耶魯及劉錫祥呢四種粵語拼音方案嘅對比，幫助讀者釐清佢哋之間嘅分別，以便更好噉學習同使用粵拼。
目前，喺公共領域嘅書籍、媒體等作品中，除咗粵拼之外，我哋仲可以見到其他幾種唔同嘅粵語羅馬化拼音方案。對於初學者嚟講，喺遇到咁多種粵語拼音嗰陣，好容易就會撈亂。本文將列出粵拼同目前公共領域中常見嘅廣拼、教院、耶魯及劉錫祥呢四種粵語拼音方案嘅對比，幫助讀者釐清佢哋之間嘅分別，以便更好噉學習同使用粵拼。
本文列出嘅五種粵語拼音方案
香港語言學學會粵語拼音方案（粵拼）：由香港語言學學會喺 1993 年制訂。係目前最簡單合理、易學易用嘅通行粵語拼音方案。
廣州話拼音方案（廣拼）：由廣東省教育部門喺 1960 年制訂，並由饒秉才喺 1980 年代修訂。
教育學院拼音方案（教院）：香港教育署語文教育學院中文系 1990年 出版《常用字廣州話讀音表》，用數字標聲調。後嚟新制訂嘅粵拼同教院方案有好多相似點，而粵拼嘅設計比教院方案更加完善，喺學界同日常生活都獲得更廣泛嘅應用同支援，粵拼慢慢就取代咗教院方案嘅地位。
粵語耶魯拼音（耶魯）：由黃伯飛同 Gerald P. Kok 共同發明制訂。常見於教授外國人粵語嘅教材同書籍當中。
劉錫祥拼音（劉錫祥）：由劉錫祥喺 1972 年制訂。常見於教授外國人粵語嘅教材同書籍當中。
上述呢五種，就係目前公共領域嘅出版物最常見嘅粵語羅馬化拼音方案。除此之外，歷史上仲出現過黃錫凌方案、Meyer–Wempe 方案等幾種其他嘅粵語拼音方案，但係喺當代，佢哋已幾乎唔再使用，只局限出現喺歷史文獻入邊，一般初學者遇到佢哋嘅幾率好低。因此，本文唔再將佢哋列舉出嚟。
聲母對照表
例字IPA粵拼廣拼教院耶魯劉錫祥巴[p]bbbbb趴[pʰ]ppppp媽[m]mmmmm花[f]fffff打[t]ddddd他[tʰ]ttttt拿[n]nnnnn啦[l]lllll家[k]ggggg卡[kʰ]kkkkk牙[ŋ]ngngngngng哈[h]hhhhh渣[ts]zz / jdzjj差[tsʰ]cc / qtschch沙[s]ss / xsss瓜[kʷ]gwgugwgwgw夸[kʷʰ]kwkukwkwkw也[j]jyjyy蛙[w]wwwww
上表例字只取其聲母。
廣拼方案中，z、c、s 同 j、q、x 之間並無音值上嘅分別，佢哋只係接喺唔同韻腹前嘅變體。具體嚟講，廣拼中當韻腹係 i 或 ü 嗰陣，用 j、q、x 拼；韻腹係其他元音嗰陣，用 z、c、s 拼。
韻母對照表
例字IPA粵拼廣拼教院耶魯劉錫祥啊[aː]aaaaaaa挨[aːi]aaiaiaaiaaiaai拗[aːu]aauaoaauaauaau啱[aːm]aamamaamaamaam晏[aːn]aananaanaanaan罌[aːŋ]aangangaangaangaang鴨[aːp]aapabaapaapaap壓[aːt]aatadaataataat軛[aːk]aakagaakaakaak矮[ɐi]aieiaiaiai歐[ɐu]aueoauauau庵[ɐm]amemamamam奀[ɐn]anenananan鶯[ɐŋ]angengangangang噏[ɐp]apebapapap兀[ɐt]atedatatat扼[ɐk]akegakakak些[ɛː]eéeee四[ei]eiéieieiei掉*[ɛːu]eu(éo)(eu)-(eu)舐*[ɛːm]em(ém)(em)(em)(em)𨋍*[ɛːn]en(én)(en)(en)(en)贏[ɛːŋ]engéngengengeng夾*[ɛːp]ep(éb)(ep)(ep)(ep)坺*[ɛːt]et(éd)(et)(et)(et)尺[ɛːk]ekégekekek衣[iː]iiiii腰[iːu]iuiuiuiuiu淹[iːm]imimimimim煙[iːn]ininininin英[ɪŋ] / [eŋ]inginginginging葉[iːp]ipibipipip熱[iːt]itidititit益[ɪk] / [ek]ikigikikik柯[ɔː]oooooh哀[ɔːi]oioioioioi奧[ou]ououououo安[ɔːn]ononononon骯[ɔːŋ]ongongongongong喝[ɔːt]otodototot惡[ɔːk]okogokokok烏[uː]uuuuoo煨[uːi]uiuiuiuiooi碗[uːn]ununununoon瓮[ʊŋ] / [oŋ]ungungungungung活[uːt]utudututoot屋[ʊk] / [ok]ukugukukuk靴[œː]oeêoeeueuh央[œːŋ]oengêngoengeungeung約[œːk]oekêgoekeukeuk𠰲*[œːt]oet---(eut)銳[ɵy]eoiêuoeyeuiui閏[ɵn]eonênoeneunun律[ɵt]eotêdoeteutut於[yː]yuüyyuue冤[yːn]yunünynyunuen月[yːt]yutüdytyutuet唔[m̩]mmmmm吳[ŋ̩]ngngngngng
上表例字只取其韻母。
帶 * 號嘅爲只在口語中出現嘅韻。其中：
粵拼嘅 eu、em、en、ep、et 韻，喺廣拼、教院、耶魯、劉錫祥嘅原方案中無定義。廣拼、教院、劉錫祥可以根據現有規則類推拼出呢五個韻，耶魯可以根據現有規則類推拼出後四個韻，喺上表中用 () 表示。而 eu 呢個拼法喺耶魯方案中已用嚟拼 [œː] 韻，故無法類推拼出粵拼嘅 eu 韻，喺上表中用 - 號表示。
粵拼嘅 oet [œːt] 韻喺表示嘔吐嘅擬聲詞「𠰲」等情況下使用，與 eot [ɵt] 韻對立。廣拼、教院、耶魯、劉錫祥嘅原方案中都無定義 oet 韻。前三種方案都將元音 [œ] 同 [ɵ] 視作同一音位，故無法類推拼出粵拼嘅 oet 韻，喺上表中用 - 號表示。而劉錫祥方案將元音 [ʊ~o] 同 [ɵ] 視作同一音位，元音 [œ] 獨立一音位，故可以類推拼出粵拼嘅 oet 韻，喺上表中用 () 表示。
聲調對照表
調類調值例字IPA粵拼廣拼教院耶魯劉錫祥陰平53 / 55分˥˧ / ˥111à / ā / 11 / 1°陰上35粉˧˥222á / 22陰去33訓˧333a / 33陽平21墳˨˩444àh / 44陽上13憤˩˧555áh / 55陽去22份˨666ah / 66上陰入5忽˥117 / 1āt / 11下陰入3發˧338 / 3at / 33陽入2佛˨669 / 6aht / 66
耶魯拼音一般用聲調符號嚟標調，並且喺陽聲調嘅元音後邊加 h。喺唔方便用聲調符號嗰陣，亦會使用數字標調。
粵語廣州話嘅陰平調有 53 同 55 兩種調值，又分別叫「上陰平」同「下陰平」。現代粵語中呢兩種調值一般爲自由變體，冇特別區分，所以粵拼、廣拼、教院方案都用調號 1 代表陰平調；而耶魯、劉錫祥就有區分呢兩種調值。
對於三個入聲調，教院方案可用 7、8、9 標，亦可用 1、3、6 標。